5 ka pulis sa Iloilo, gin-dismiss sang Napolcom en banc

Iloilo City — Gindismiss sang National Police Commission En Banc ang lima pa ka pulis halin sa Iloilo bangud sa kaso nga grave misconduct.

Gin-confirmar ni Napolcom 6 Director Atty. Joseph Celis nga ginpahalin sa serbisyo sanday SPO1 Dante Sison, PO3 Alexis Jotes, PO2 Dinaree Sia, PO2 Melbert Niño kag PO1 Rodel Paulan, mga anay miembro sang City Anti-Illegal Drugs Special Operations Task Force.

Nag-ugat ini sa kaso nga ginfile sang 16-anyos nga dalagita sang 2014 matapos gindala siya sa Arevalo Police Station kag ginpa-ako ni PO3 Jotes nga amo ang nagkuha sang iya nadula nga service firearm.

Nagreklamo ang dalagita nga gintampa kag ginhampak siya samtang gina-interogar kag gindala pa sa Jalandoni Bridge kag ginpahug apang naabtan siya sang iya amay.

Suno kay Celis, wala gid gingamit sang mga pulis ang ila common sense sang ginpahug ang menor-de-edad. (JoMaque)