Mga menor de edad, nagrambol sa Mandurriao
Iloilo City — Gindala sa ospital ang magnobyo nga menor de edad matapos ang ginpahayag rambol sa guwa sang ilimnan sa Brgy. San Rafael, Mandurriao kagab-i.
Suno kay San Rafael Brgy. Tanod Allan Hualde, may pilas sa ulo ang solterito samtang nalipong naman ang dalagita, ginabanta 15 tubtob 17-anyos sang gindala niya sa Iloilo Doctor’s Hospital.
Wala nabal-an kon sin-o ang naglampos sa solterito kag ang grupo nga nakontra nila kag sang 6 ka mga abyan.
Ginapatihan naman nalipong ang dalagita bangud sang kahulugbon.
Ginpahayag naga-inom inom ang mag-nobyo upod sa ila mga abyan antes nagluntad ang rambol. (JoMaque)