Asosasyon sang mga Taxi sa Western Visayas, nag-install sang online app sa ila mga units para sa seguridad sang mga driver kag pasahero
Iloilo City – Mahapos na ang pagsakay sa taxi sugod sa Abril subong nga tuig kasunod sang pag-install sang MICAB Application sa mga units sang taxi associations sa rehiyon.
Pa-athag ni Association of Taxi Operators in Panay (ATOP) President Perfecto Yap, kabahin ini sang modernisasyon sa ila sektor.
Nagpirma sang Memorandum of Understanding sanday Yap, presidente sang taxi operators sa Negros Occidental kag Iloilo Individual Taxi Operators and Drivers Association upod kay MICAB Founder Eddie Ybañez nga ginsaksihan ni LTFRB 6 Director Richard Osmeña.
Ang MICAB Application, makamonitor sang lugar nga ginakadtuan sang taxi kag paagi nga magpangayo sang bulig kon may emerhensya. (JoMaque)