CHED 6, wala pa sang listahan sang mga State Colleges and Universities nga libre ang tuition sa School Year 2018-2019

CHED 6 office, Iloilo City–Ginahulat pa sang Commission on Higher Education Region 6 ang final nga listahan sang mga state universities and colleges (SUCs) nga sakup sang Republic Act No. 10931 ukon ang “Universal Access to Quality Tertiary Education Act.”

Suno kay Dr. Rex Casiple, chief education program specialist sang CHED 6, maga-epekto ang free tuition sa school year 2018-2019.

Base sa implementing rules and regulations (IRR), sakup sang laye ang tanan nga SUCs kag mga identified local colleges and universities.

Magluwas sa libre nga tuition, libre man ang 13 pa ka school fees sa tanan nga SUCs.

Ginpahayag ni Casiple nga gina-negotiate pa sang CHED ang iban nga local colleges bangud sang mga requirements para sa fee tuition.

Ginalauman ni Casiple nga antes ang enrollment para sa 2018-2019, may final na nga listahan ang CHED sang mga unibersidad kag kolehiyo nga magapatuman sang free tuition. (AGB)