(UPDATE) Pamilya sang Ilongga OFW sa Saudi Arabia, nabalaka na matapos nagpost ini sa Facebook nga luyag na manginmatay bangud sa indi ma-agwantahan nga pagmaltrato sang iya amo

Luyag na nga magpanginmatay sang Ilongga OFW sa Dammam, Saudi Arabia bangud sa indi ma-agwantahan nga pagmaltrato sang iya amo.

Ini ang ginpahibalo ni Jowena Mallo-Hualde sa iya pamilya sa Barangay Mangil, Janiuay base sa ulihi sini nga post sa Facebook.

Suno kay Angie Mallo, utod ni Jowena, nagakahangawa na ang ila ginikanan sa sitwasyon sang iya utod gani luyag nila nga kuhaon ini sang agency agud mapalayo sa iya amo.

Sa post ni Jowena, ginpahibalo sini nga ginkawat niya lang ang cellphone agud nga makabukas sang iya FB account kag maka-post.

Ginsugid ni Jowena kay Anga ginahampak ini sa likod sang iya amo gani indi na siya maka-agwanta kag luyag na nga magpauli sa Pilipinas.

Nagreklamo si Jowena nga delayed ang sweldo, ginasakit kag ginapahog nga luguson sang bata sang iya amo. (AGB)