City Council, nagpasar sang resolution nga nagahingyo sa DOLE nga maghimo sang inspection sa work safety standards sang mga contractors sa syudad

Iloilo City–Nagpasar sang resolution ang City Council nga nagahingyo sa Department of Labor and Employment nga maghimo sang inspection agud mahibaluan kon ano ang violations sa work safety standards sang mga contractors sa syudad.

Kasunod ini sang insidente sa SM Strata sa Bolilao, Mandurriao sang Sabado nga nahulugan sang hook sang crane kag nautod ang tuo nga tiil sang 16-anyos nga si alyas Sam.

Sa iya privilege speech sa session kaina, ginhambal ni Councilor Joshua Alim nga nakabaton siya sang reports sa nagakalahulog nga debris sa mga balay sa tupad sang SM Strata.

Suno pa kay Alim, mahiwat man siya sang inspection kag imbestigasyon in aid of legislation agud mapabaskug ang poder sang Public Safety and Transportation Management Office. Nagpadulong man sa SM Strata ang PSTMO personnel kahapon apang wala sila ginpasugtan sang mga guwardya nga magsaka sa building. (AGB)