Iloy sang lalaki nga gintiro patay sang retired police sa Bolilao Mandurriao, nagahilibiun nga nagapanawagan sa suspek nga mag-surrender

Iloilo City — Nagahilibiun nga nagapanawagan si Remalyn Ariate sa iya kumpare nga si retired SPO1 Ariel Acopicop nga magsurrender kag atubangon ang pagtiro sa iya bana kag bata sa Bolilao, Mandurriao sang Domingo.

Napatay ang bata ni Remalyn nga si Jorem, 21-anyos, samtang padayon nga ginabulong sa ospital ang iya bana nga si Joseph. Suno sa iloy, daku ang pagrespeto niya kay Acopicop bilang anay pulis apang nadula ini bangud sa iya ginhimo.

Indi gihapon makapati si Remalyn sa natabu sa iya pamilya bangud malipayon pa sila sang nagpauli siya sang nagligad nga bulan agud magtambung sa graduation sang isa sa mga bata nila ni Joseph. Yara si Remalyn sa simbahan sa Hongkong sang Domingo sang gintundaan sa natabu sa iya mag-amay. Ginguba gid ni Acopicop ang buasdamlag sang iya bata suno kay Remalyn. (JoMaque)