Apat ka gin-carnap nga motorsiklo, ginturnover sa Estancia police

Estancia, Iloilo–Ginturn-over sa Estancia police ang apat ka motorsiklo nga gincarnap.

Suno kay Chief Inspector Jonah Galicha, hepe sang Estancia Police Station, gindala sang mga nagbakal sa Masbate ang tatlo ka motorsiklo apang ginbalik kag ginturn-over sa Estancia sang nahibaluan nga gin-carnap ang mga ini.

Ginturn-over man ang isa pa ka gin-carnap nga motorsiklo nga ginbaligya sa Barangay Bayuyan sa amo man nga banwa.

Natukiban nga gin-carnap ang mga motorsiklo sang nadakpan sa Jaro ang carnapper sang nagligad nga semana.

Nagpanawagan naman si Galicha sa mga nadulaan sang motorsiklo nga yara lang sa ila custody ang mga salakyan. Mahimo lang nga magdala sang mga dokumento agud mabalik ang motorsiklo. (AGB)