Duha, pilason sang naaksidente ang motorsiklo sa Zarraga

Zarraga, Iloilo–Duha ang pilason sang naaksidente ang motorsiklo sa Zarraga. Napilasan sa til kag nabagrasan sa nagkalain-lain nga parte sang ila lawas ang duha ka nadalahig sa aksidente.

Suno kay Inspector Roy Castro, hepe sang Zarraga Police Station, nagatabok sa dalan sa Poblacion Ilaya, Zarraga si Arlou Samarca, 22-anyos sang Dungon C, Mandurriao sang nabungguan sang motorsiklo nga ginamaneho sang 17-anyos nga lalaki nga tumandok sang Zarraga.

Gindala sa Western Visayas Medical Center si Samarca samtang ginabulong sa Iloilo Provincial Hospital sa Pototan ang menor-de-edad. (AGB)