Pagpangilkil, ginasunod nga motibo sa pagsunog sang back hoe sa Guimbal

Guimbal, Iloilo — Pagpangilkil ang ginasunod nga motibo sang Guimbal police sa pagsunog sa back hoe sang Sargasso Construction and Development Corporation, contractor sang ginakay-o nga karsada sa Barangay Nanga, Guimbal kahapon sang kaagahon.

Suno kay Senior Inspector Antonio Monreal, hepe sang Guimbal Police Station, 95 porsyento sila nga sigurado nga extortion ang rason sa pagsunog sa back hoe. Apang i-verify pa suno kay Monreal ang identity sang mga suspetsado.

Natumod ang motibo kasunod sang case conference sang Guimbal police upod sa taga-Bureau of Fire Protection kag representative sang contractor.

(att)