DOT VI Ginapreparahan Na Ang Mga Madisplace Nga Mga Turista Kon Siraduhan Na Ang Boracay Sa Abril 26

Western Visayas – May mga preparasyon ang Department of Tourism Region VI agud sal-un sang iban nga lugar sa rehiyon ang mga turista nga ma-displace kon siraduhan na ang Boracay sa Abril 26 para sa rehabilitasyon.

Suno kay DOT VI Director Helen Catalbas, nagpakigsapol siya sa mga tourism officers kag local government units sa mainland Aklan, Antique, Iloilo, Capiz, Guimaras kag Negros Occidental kag naistoryahan ang mga paagi agud ma-engganyo ang mga turista nga indi na magpalayo.

Kinahanglan suno sa iya nga mangin agresibo ang mga probinsya sa Western Visayas bangud kaungon kon magkadtu sa iban nga rehiyon ukon sa iban nga pungsod ang mga turista.

Ginasuhestyun sang DOT VI ang iban nga tourist destinations nga puwede kadtuan sang mga turista ilabe na sa Iloilo kag Bacolod apang dapat suno kay Catalbas nga mangin handa ang mga lugar sa rehiyon.

(ATT)