Stakeholders sa turismo sa Northern Iloilo, magasapol agud planuhan ang pagtukod sang Northern Iloilo Tourism Authority

Iloilo–Magasapol ang mga stakeholders sa turismo sa Northern Iloilo agud planuhan ang pagtukod sang Northern Iloilo Tourism Authority (NITA).

Suno kay Provincial Administrator Raul Banias, kaupod sa matambung sa sinapol ang mga alkalde, tourism officers, representative sang Department of Tourism, mga miembro sang Sangguniang Panlalawigan kag si 5^th District Congressman Boboy Tupas.

Magluwas sa pagtukod sang Northern Iloilo Tourism Authority, istoryahan man ang mga plano kag estratehiya sa pag-akomodar sang mga turista nga madisplace sa pagsirado sang Boracay para sa rehabilitasyon sa Abril 26.

Ginpahayag ni Banias nga posible man nga magtukod sang iban nga tourism authorities sa iban pa nga distrito. Gin-una lang ang Northern Iloilo suno kay Banias bangud masami nga ginabisitahan sang mga turista base sa record sang DOT 6. (AGB)