Policewoman, pilason sang disgrasya nga naglupok ang pusil sang iya kasubong nga pulis

Janiuay, Iloilo–Pilason ang pulis nga babaye sang disgrasya nga naglupok ang issued firearm sang kaupod niya nga pulis sa sulod sang Regional Mobile Force Battalion sa Barangay Jibolom Janiuay kagab-i.

Natalana operahan si PO1 Kimberly Hope Bendita, 32-anyos sang Barangay Jereos, Lapaz matapos napilasan sa tuo nga parte sang iya likod.

Suno kay Senior Inspector John Paul Guay, hepe sang Janiuay MPS, naga-unload sang iya m16 issued firearm si PO1 John Rey Oquila sang nakasa sini kag napitik ang pusil samtang yara sa sulod sang iya kuwarto.

Naglusot sa dingding ang bala kag nag-igo kay PO1 Bendita nga nagapungko sa duyan.

Detained sa Janiuay Police Station si PO1 Oquila kag natalana pasakaan sang kaso. (AGB)