City Comelec, mahimo sang inspection sa mga polling centers antes ang Barangay kag SK Elections 2018

Iloilo City–Mahimo sang inspection sa mga polling centers sa syudad ang City Comelec agud hibaluon kon safe ang mga election paraphernalia para sa Barangay kag Sangguniang Kabataan Elections 2018.

Suno kay Mr. Jonathan Sayno sang City Comelec, amat-amat man nila nga ginadul-ong sa kada barangay ang listahan sang mga botante agud ipatapik sa mga polling centers.

Ginpahanumdom sini ang mga barangay officials nga para sa publiko ang voter’s list kag indi para sa mga kandidato.

Magasugod suno sa iya ang filing sang Certificate of Candidacy sa Abril 14 tubtub sa Abril 20 kag ang campaign period halin Mayo 4 tubtub Mayo 12. (AGB)