Mga job hires sang ICUPAO nga wala na ginrenew, nagdepensa nga nagtrabaho sang ensakto

Iloilo City–Nagsulat ang mga job hires sang ICUPAO nga wala na ginrenew kanday Mayor Joe Espinosa, Congressman Jerry Treñas kag Coucilor Jay Treñas agud magpa-utwas sang kalain sang buot.

Suno kay alyas John, nasakitan lang sila bangud ginalibak sang iban nga mga empleyado nga wala inubrahan kag nagbaton lang sang sweldo.

Gin-attach sang mga job hires sa sulat nga ginpadala ang Annual kag consolidated reports sang ICUPAO agud pamatud-an nga nagtrabaho sila.

23 sa 31 ka job hires sang opisina ang wala na ginrenew sang syudad subong nga bulan. (AGB)