3rd National Bangkarera Competition, masaksihan sa Arevalo
Iloilo City–Masaksihan buwas ang 3rd National Bangkarera Competition sa atubang sang Tatoy’s Manokan and Seafood Restaurant sa Sto. Niño Sur, Arevalo.
Magasugod ang palumba sang mga sakayan nga may gamit nga motor alas-7:30 sang aga. Hiwaton naman sa Sabado ang finals.
Suno kay Punong Barangay Nestor Espinosa, masobra 100 ang mapasakup halin sa nagkalain-lain nga lugar sa Luzon, Visayas kag Mindanao.
May palumba man sang mga sakayan gamit ang bugsay nga pwede pasakupan sang mga mag-asawa.
Bukas sa tanan ang pagsaksi sa event. (AGB)