ERC, nag-ako nga PECO ang mabayad sa venue sang conference sa mga reklamo batuk sa electric company

Gin-confirmar sang Energy Regulatory Commission nga Panay Electric Company ang mabayad sa venue para sa consultation and hearing sa mga reklamo batuk sa electric company sa Abril 17 kag 18.

Suno kay ERC Legal Officer Florecinda Digal, hiwaton kuntani sa field office nila ang venue pero wala sila sang opisina sa Iloilo kundi sa Cebu. Magastuhan lang suno sa iya ang mga tagreklamo kon pakadtuon pa sa Cebu.

Base sa policy sang ERC, ginahiwat sa opisina sang public utility nga ginreklamo ang conference agud istoryahan ang complaints. Apang bangud indi maka-igo ang malapit 100 ka complainants nga ginpatawag sang ERC, ginpili sang PECO nga hiwaton ang conference sa Midtown Hotel sa City Proper.

Gin-athag naman ni Digal nga nagasugod sa conference ang imbestigasyon sa mga reklamo. (AGB)