Ilonggo nga nadakpan kasunod sang shootout sa Laguna, gintudlo nga lider sang kidnap-for-ransom group; iloy, indi magpati sa akusasyon batuk sa iya bata

Passi City, Iloilo — Indi magpati ang iloy ni Ricky Barrios sang Barangay Agtabo, Passi City nga lider sang sindikato ang iya bata.

Reaksyon ini ni Mrs. Judith Liboon matapos nabalitaan nga si Barrios ang nagamandu sa ginpahayag kidnap-for-ransom group nga naka-enkwentro kag napatay sang mga pulis sa San Pablo City, Laguna sang Abril 10.

Suno kay Liboon, kulang sa tinun-an ang iya bata bangud Grade 2 lang ang tinapusan kag wala sang kapasidad nga magpamuno sang sindikato.

Ginakwestyun man sini kon ngaa naangut ang iya bata sa kidnap-for-ransom bangud preso si Barrios sa BJMP Quezon province. Kon matuod suno kay Liboon nga sindikato ang iya bata, manggaranon na kuntani sila.

Si Barrios ang agot sa siyam kag mag-utod kag menor-de-edad pa lang sang nagbiya sa ila lugar suno sa iya iloy.

Duha sa lima ka napatay sa Laguna shootout ang gin-identify nga sanday Simplicio Parreño, 29-anyos nga AWOL barangay kagawad sang Dacal, San Enrique, kag Jerson Palmares, 21-anyos sang Agtabo, Passi City. (JoMaque)