Banwa sang Leon, bukas sa mga turista nga nature-lover

Leon, Iloilo–Bukas ang Leon para sa mga turista nga mahilig sa nature. Suno kay Mayor Rolito Cajilig, madamo sang kadtuan sa ila banwa pareho sang Bucari nga ginakabig summer capitol sa probinsya bangud sang mabugnaw nga temperatura.

Wala sang dapat kabalak-an suno sa alkalde bangud may mga cottages kag tents nga marentahan sa mga luyag magtulog sa Bucari kag may mga inland resorts man nga nagatanyag sang matahum nga view kag akomodasyon.

Ang pahayag ni Cajilig, ginhimo sini angut sa natalana nga pagsiradu sang Boracay sa turismo para i-rehabilitate. (AGB)