Partial occupancy permit sang SM Strata, ginbawi sang city government kasunod sang duha ka separado nga insidente
Iloilo City — Ginbawi ang partial occupancy permit sang SM Strata sa Brgy. Bolilao, Mandurriao kasunod sang duha ka separado nga insidente may kaangtanan sa safety sang publiko kag mga propiedad.
Suno kay Public Safety and Transportation Management Office ukon PSTMO head Jeck Conlu, indi maka-operate ang amo nga building tubtob nga maka-issue sang occupancy permit ang city government.
Wala pa sang idea si Conlu sa status sang rekomendasyon kay mayor Joe Espinosa nga pagpa-untat sa pag-obra sang SM Strata.
Nabuka ang windshield sa atubang sang Toyota Vios samtang nagasgasan ang Ford Ranger matapos nahulugan sang glass panel sa SM Strata kahapon sang hapon.
Marso 31 sang nahulugan ang 16-anyos nga lalaki sang lifting hook sang crane sa lugar. Nautod ang tuo nga ti-il sang menor ded edad kasunod sang insidente. (JoMaque)