COC filing para sa Barangay kag SK elections, ginpalawig

Ginpalawig sang Commission on Elections ang filing sang certificate of candidacy para sa Barangay kag Sangguniang Kabataan elections.

Gin-confirmar ni Comelec 6 Director Atty. Dennis Ausan nga nagpaguwa sang resolution ang Comele En Banc nga nagapalawig sang COC filing tubtob alas-5 buwas sa hapon.

Wala naman sang problema nga nakita si Ausan sa filing sang certificate of candidacy.

Ginpahayag ni Mr. Jonathan Sayno, Assistant City Comelec officer, nga masobra lima ka libo ang nagfile sang COC sa pagka-punong barangay, barangay kagawad, SK chairperson kag SK kagawad tubtob alas-5 kaina sang hapon.

Sa probinsya naman, ginbanta ni Provincial Election Supervisor Atty. Elizabeth Doronila sa 11 ka libo ang nagfile sang COC. (AGB)