Seguridad sa Boracay, wala sang problema – Malay LGU

Boracay Island, Malay, Aklan–Wala sang problema sa seguridad sang Boracay pila ka adlaw antes ipatuman ang pagpasirado sa isla sang anum ka bulan sugod sa Abril 26.

Suno kay Mr. Rowen Aguirre, Malay Executive Assistant for Boracay Affairs, ginamentenar sang Philippine National Police ang seguridad sa isla.

Nagabulig man ang Armed Forces of the Philippines kag Philippine Coast Guard para masiguro ang kalinong kag katawhay sa lugar suno kay Aguirre.

Una na ginpahayag ni Police Regional Office 6 Director Cesar Hawthorne Binag nga naglab-ot sa 630 ka police kag military personnel ang gindeploy sa Boracay kaangut sa pagpasirado sa isla para sa rehabilitasyon. (AGB)