DOT 6 Director Helen Catalbas, nagreact sa pahayag nga wala pulos ang DOT

Iloilo City–Nag-react si Department of Tourism 6 Director Helen Catalbas sa pahayag ni Mr. Rowen Aguirre, Executive Assistant for Boracay Affairs sang Malay-LGU nga wala sang pulos ang Department of Tourism.

Suno kay Catalbas, unfair nga hambalon nga wala sang may nahimo ang departamento.

Madamo suno sa iya sang infrastructure projects ang DOT sa isla.

Ang DOT ang nagpa-obra sang drainage system, sewerage treatment plant kag water system pero gina-abusuhan.

Dugang ni Catalbas, kun ginhimo sang local government unit ang ila mandato, wala kuntani naglab-ut sa kahimtangan sini subong ang sitwasyon sa isla.

Magluwas dire, ginadala man suno kay Catalbas sang DOT sa mga business missions sa abroad para mapromote ang Boracay, ang mga opisyal sang LGU kag bisan ang tiglawas sang pribado nga sektor.

Una dire, ginpahayag ni Aguirre nga wala pulos ang DOT kasunod sang memorandum sang ahensiya nga untaton ang promotion sa Boracay nga natalana siraduhan sa Abril 26 para sa rehabilitasyon. (AGB)