(UPDATE) Extension sa filing sang certificate of candidacy para sa Barangay kag SK elections, nagtakup na

Iloilo City–Nagtakup na ang extension sang filing sang certificate of candidacy sa nagkalain-lain nga posisyon para sa Barangay kag Sangguniang Kabataan elections alas-5 kaina sang hapon.

73 ang naghingagaw sa pagfile sang COC subong nga adlaw. Sa kabug-usan suno kay Mr. Jonathan Sayno, Election Officer 2 sang City Comelec, naglab-ut sa 5,175 ang nagfile sa lain-lain nga posisyon: 396 sa pagka-punong barangay; 3,103 sa pagka-barangay kagawad; 386 sa pagka-SK chairperson kag 1,290 sa pagka-SK Kagawad.

Posible mapaguwa sang City Comelec ang listahan sang mga kandidato sa kada barangay sa masunod nga semana.

Kahapon kuntani ang deadline sa COC filing apang ginpalawig sang isa ka adlaw sang Comelec agud mahatagan tsansa ang mga wala nakahingagaw sa pagfile. (AGB)