Councilor Plaridel Nava, ginhangkat ang PNP kag PDEA nga pasakaan sang kaso ang mga punong barangay sa syudad nga ginpahayag may kahilabtanan sa illegal nga druga

Iloilo City — Ginhangkat ni Councilor Plaridel Nava ang Philippine National Police kag Philippine Drug Enforement Agency nga pasakaan sang kaso upod sang Department of the Interior and Local Government ang mga punong barangay sa syudad nga ginpahayag may kaangtanan sa illegal nga druga apang wala na aksyonan tubtob subong.

Suno kay Nava, bisan nakitaan sang ground sa derelection of duty sanday Bakhaw, Mandurriao Punong Barangay Remia Prevendido Gregori kag Monica Blumentritt, City Proper Punong Barangay Keith “Dabing” Espinosa, indi maka-imponer sang penalidad ang city council bangud wala sang complaint affidavit batuk sa ila.

Magluwas kanday Gregori kag Espinosa, gin-imbestigaran man sang Committe on Dangerous Drugs si Desamparados, Jaro Punong Barangay Noemi Jablo apang wala ginlakip sa ginrekomenda nga pasakaan sang kaso.

Suno kay Nava, dapat ang natungdan nga ahensiya ang magpasaka sang kaso batuk sa mga punong barangay. (JoMaque)