City Legal Office, indi makarepresentar sa mga konsumedor nga may reklamo batuk sa PECO base sa ginpaguwa nga legal opinion

Iloilo City — Indi makarepresentar ang City Legal Office sa mga konsumedor nga may reklamo batuk sa Panay Electric Company.

Kaundan ini sang legal opinion sang City Legal Office sa una nga pamangkot sang City Council kon pwede mapasakaan sang kaso nga large scale estafa ang PECO kasunod sang mga reklamo sang mga konsumedor.

Nabutang sa legal opinion nga indi makarepresentar ang City Legal Office sa pagfile sang kaso batuk sa PECO kag ginrason nga ginadumili ini sa laye bangud base sa Local Government Code, ginarepresentar sang Legal Office ang local government unit sa official function.

Base pa sa legal opinion, private in nature ang kontrata sa tunga sang PECO kag consumer kag ikatatlo, ang Public Prosecutor’s Office ang nagadeterminar kon may probable cause ang complaint batuk sa PECO. (JoMaque)