Ginpahayag mass layoff sa mga job hires sa city hall, indi matuod suno kay City Administrator Hernando Galvez
Iloilo City — Ginpanginwala ni City Administrator Atty Hernando Galvez nga may “mass lay off”sa mga job hires sang Iloilo City Hall.
Suno kay Galvez, ang mga job hires ang nahigot sa ila kontrata kag wala ginapahalin ukon gina lay off kun wala pa natapos ang ila contract duration.
Sa subong, gina subject sa evaluation ang tanan nga job hires sa City Hall agud mahibaluan ang ila nga performance. Kun indi na ma renew ang mga job hires posible nga wala ini sang contribution sa syudad.
Ginpahayag ni Galvez nga normal lang nga may mga job hires nga wala gina renew.
Indi naman makahambal si Galvez kun pila ka job hires ang tubtob na lang sa Mayo.
Nauna naman nga ginpahayag ni Mayor Joe Espinosa nga indi kinahanglan snag syudad ang mga matamad nga empleyado sang City Hall.
Ang pahayag ginhimo ni Galvez kasunod sa impormasyon nga may “mass lay off” kag tubtob Mayo na lang ang mga job hires. (JoMaque)