Boracay, ginsiraduhan na sa turista sugod alas 12:01 kaina sang kaagahon

Boracay Island — Nagsugod alas-12:01 kaina sang kaagahon ang pagsirado sang Boracay sa mga turista.

Gindayon sang Inter-Agency Task Force ang closure bisan may ginfile kahapon nga petition for prohibition and mandamus sa Korte Suprema batuk sa mandu ni Presidente Rodrigo Duterte. Suno kay DILG Assistant Secretary Epimaco Densing III, wala pa man nagpaguwa ang Korte Suprema sang temporary restraining order gani gindayon nila ang closure sa isla.

Ginfile sang National Union of People’s Lawyers ang petition sang mga petitioners nga sanday Mark Anthony Zabal, Thiting Estoso Jacosalem kag Odon Bandiola nga nagrason nga madulaan sila sang palangabuhian bangud sa closure.

Ginalauman naman ni DILG Assistant Secretary Manuel Felix nga mas matahum, maligwa kag matinlo nga Boracay ang mangin resulta pagkatapos sang rehabilitasyon. (JoMaque)