Iloilo Gov. Arthur Defensor, Jr, nag-athag nga wala sang nagapamalabag sa pagsumpa ni Raisa Treñas-Chu sa Partido Federal ng Pilipinas

Gin-athag ni Iloilo Governor Arthur Defensor, Jr. nga wala sang may nagapamalabag sa pagsumpa ni Raisa Treñas-Chu sa Partido Federal ng Pilipinas (PFP).

Sabat ini sang gobernador sa pahayag ni Iloilo City Mayor Jerry Treñas nga may “daw manginmatay gid” sa pagsulod sang iya bata sa partido sang administrasyon.

Suno kay Governor Defensor, Regional Chairman sang PFP, nakahibalo ang national organization sa mga masumpa sa PFP. Ginasumiter suno sa iya ang listahan kag nagaagi man ini sa konsultasyon.

Madayon gid suno sa iya ang pagsumpa ni Raisa sa partido.

Ginpahibalo man sang gobernador nga posible i-reschedule ang regional oathtaking sang mga local officials sa PFP sa Mayo. — via Aksyon Hotline