Monica-Blumentritt, City Proper PB Keith ‘Dabing’ Espinosa, ginpasakaan sang verified complaint sa City Council

Iloilo City—Nagfile sang verified complaint sa City Council ang pila ka residente sang Barangay Monica-Blumentritt, City Proper batuk kay Punong Barangay Keith ‘Dabing’ Espinosa.

Nabutang sa complaint nga rason ang ginpahayag indi mapaathag nga manggad sang pamilya nanday Espinosa bisan nga wala man ini sang trabaho ukon negosyo; wala narevitalize nga Barangay Anti-Drug Abuse Council; indi pagsumiter sang BADAC report kag kapaslawan nga malakip sa drug personalities sa barangay ang iya bana nga si anay Barangay Kagawad Jesus ‘Jing-Jing’ Espinosa.

Suno kay Councilor Plaridel Nava, nagpadulong sa iya opisina ang mga nagfile sang verified complaint agud nga magpangayo sang bulig. Istoryahan sa City Council ang reklamo sa masunod nga semana. (AGB)