Ginatos ka kandidato, nagtambong sa peace covenant signing sa Jaro

Iloilo City — Ginatos ka kandidato para sa Barangay kag SK elections halin sa Jaro ang nagtambung sa peace covenant signing nga ginpangunahan sang Iloilo City Police Office kag Parish Pastoral Council for Responsible Voting kahapon.

Suno kay ICPO Director Senior Supt Henry Biñas, katuyuan sang covenant signing nga mapa-athag sa mga kandidato ang pagbulig agud mapabilin nga malinong kag matawhay ang Mayo 14 nga eleksyon.

Ginpabugal ni Biñas nga wala sila sang narecord nga mga kalakasan sa nakaligad nga mga events kag nagalaum nga mamentinar ini tubtob matapos ang piniliay. Wala sang dapat kabalak-an suno sa ICPO director bangud may bastante nga numero sang mga pulis nga magbantay sa mga barangay. (JoMaque)