(UPDATE) Imbestigasyon batuk kay Monica-Blumentritt PB Dabing Espinosa, padayunon sang City Council bisan mapierde siya sa Barangay elections suno kay Councilor Joshua Alim

Iloilo City–Padayunon sang City Council ang imbestigasyon sa verified complaint batuk kay Monica-Blumentritt, City Proper Punong Barangay Keith ‘Dabing’ Espinosa bisan mapierde siya sa Barangay elections sa Mayo 14.

Suno kay Councilor Joshua Alim, dapat magpadayon ang imbestigasyon sang konseho para mahibaluan ang kamatuoran sa likod sang reklamo batuk sa barangay kapitan. Importante suno kay Alim nga na-establisar nga may nangisog agud magreklamo kag mapakita man nila nga wala nagakatulog ang konseho sa reklamo.

Pananglitan nga mapierde si Espinosa sa eleksyon, indi na ini pagpapanaugan sang sanction kon mapamatud-an ang reklamo.

Si Espinosa ang ginreklamo bangud sang unexplained wealth sang iya pamilya bisan nga wala sang trabaho lakip na ang ginpahayag pagpabaya sini sa kampanya kontra illegal drugs.

Nagapa-reelect si Espinosa sa pagka-barangay kapitan. (AGB)