COMELEC, nag-ako nga panghangkat ang paglapta sa social media sang campaign materials para sa Barangay kag SK elections

COMELEC office, Iloilo City–Panghangkat sa Commission on Elections ang paglapta sang mga campaign materials sa social media may kaangtanan sa Barangay kag Sangguniang Kabataan elections.

Suno kay Atty. Elizabeth Doronila sang Provincial Comelec Office, wala sang guidelines angut sa online campaign. Ginasunod lang suno sa iya sang Comelec ang Fair Elections Act.

Ginpahayag ni Doronila nga ginabasehan nila sa online campaigning ang megapixel sang ginapost nga litrato ukon ang takos sang resolution sang digital cameras ukon camera phones. Kon daku ang megapixel, nagakahulugan nga mas mahal ang ginabayaran sang kandidato.

Sa subong, may mga computer technicians ang Provincial Ccomelec Office suno kay Doronila agud mag-monitor sang online campaign.

Gina-engganyo naman sini ang mga kandidato ukon mga netizens nga magpalab-ot sang ila concerns sa Comelec angut sa online campaigning. (AGB)