‘Narco list’ nga ginpaguwa sang PDEA, kulang suno kay Mayor Joe Espinosa

Iloilo City—Kulang ang mga pangalan sa ‘narco list’ nga ginpaguwa sang Philippine Drug Enforcement Agency (PDEA) central office sang damlag lang.

Nagapati si Mayor Joe Espinosa III nga mas madamo pa sang sa ginpaguwa ang mga barangay officials nga ginpahayag involved sa illegal nga druga. Apang indi makahambal ang alkalde kon sin-o pa kag kon pila ang idugang sa listahan.

Dapat suno kay Espinosa nga pangayuan sang paathag ang mga barangay officials nga nalakip sa listahan. Sa Western Visayas, naga-isahanon nga nalakip si Kasing-Kasing, Molo Punong Barangay Gemma Calzado. (AGB)