‘Swim for a Cause’ ni PRO 6 Director PCSUPT Cesar Hawthorne Binag, nakatipon sang masobra P250,000

Iloilo City–Nakatipon sang masobra P250, 000 ang ‘Swim for a Cause’ ni Police Regional Office 6 Director Chief Supt. Cesar Hawthorne Binag kaina sang aga.

Ginabanta P255,000 ang nagsponsor sa paglangoy ni Binag kaupod ang iban nga mga nagsuporta sa kawsa. Naglab-ut sa duha ka oras kag 27 minutos ang paglangoy ni Binag halin sa Fort San Pedro pakadto sa Jordan Wharf sa Guimaras nga may kalayuon nga 2.5 kilometers.

Tuyo sang ‘Swim for a Cause’ nga magtipon sang pondo nga ibutang sa Regional Advisory Council kag ibulig sa mga napilasan ukon napatay nga pulis sa duty. Kawsa man sini nga mapalapnag ang awareness sa pagpreserve sang matinlo kag safe languyan nga dagat sa rehiyon kag mapromote ang turismo. (AGB)