(UPDATE) SPO2 Richard Gerafusco, indi gihapon mabaton ang pagkasunog sang iya asawa, bata, ugangan kag tiya sa ila balay sa San Isidro, Lapaz

Iloilo City–Indi gid mabaton ni SPO2 Richard Gerafusco ang natabu sa iya pamilya nga nagresulta sa pagkamatay sang iya asawa, bata nga lalaki, ugangan kag tiya kasunod sang sunog sa iya balay sa Brgy. San Isidro, Lapaz kahapon.

Nagahilibiun nga gin-ako ni Gerafusco nga indi na siya makahibalo sang iya himuon bangud wala na gid sang may nabilin sa iya. Napaminsaran ni Gerafusco nga mag-suicide na lang agud makaupod ang iya pamilya bangud sa sobra nga kasubo.

Wala pa naumpawan sa kasubo si Gerafusco bangud sang nagligad nga tuig lang napatay ang subang sini nga bata nga lalaki bangud sa aneurysm.

Nagapauli na ang pulis halin sa duty agud pukawon ang iya asawa agud nga magsimba  kag makadtu sa patyo sang may nagsugata sa iya kag nagtunda nga nasunog ang ila balay.

Gintuyo pa niya nga tawgan ang cellphone sang iya asawa apang indi na ini ma-contact kag nakita na lang niya nga nagakarab-karab na ang ila balay.

Nagahulid sa kuwarto ang iya asawa nga si Evangeline kag bata nga si Richard Jr, 15-anyos, sang natabu ang sunog. Na-trap man kag nasunog ang ugangan ni Gerafusco nga si Elvira Avelino kag tiya nga si Ma. Christina Dollente. (AGB)