Cong. Jerry Treñas, nagapangamuyo sang milagro agud maupod sa iya linyada si Mayor Joe Espinosa sa 2019 elections
Iloilo City — Nagapangamuyo sang milagro si Lone District Congressman Jerry Treñas agud makaupod sa masunod nga tuig nga eleksyon ang iya bilas nga si Mayor Joe Espinosa.
Nagalaum ang kongresista nga makumbinser niya ang alkalde nga magpadalagan nga congressman sa iya linyada sa 2019.
Sa pihak ini sang posibilidad nga magakontrahanay sila sa pagka-mayor sa syudad.
Una na ginpahayag sang kongresista nga nagapili na siya sang mga kandidato nga magapadalagan sa pagka-konsehal para sa iya linyada bilang preparasyon sa masunod nga tuig nga eleksyon apang nagapabilin nga bakante ang posisyon sa pagka-kongresista.
Gin-ako ni Treñas nga siya ang nagahimo sang inisyatibo agud nga maistorya si Mayor Espinosa. (JoMaque)