Tatlo ka personalidad, ginapilian ni Cong. Jerry Treñas nga mangin kandidato sa pagka-kongresista sa iya linyada sa 2019 elections

Iloilo City — Tatlo ang ginapilian ni Congressman Jerry Treñas agud mangin Congressman sang iya linyada sa 2019 elections.

Suno kay Treñas, nagpabutyag sang interest si anay Councilor Jam-Jam Baronda sang Biernes nga mapapili sa pagka-kongresista sa lone district. Nakakadto naman kay Treñas si anay Councilor Lex Tupas sang Huwebes kag ginpahayag interesado man nga magpadalagan nga representative sa idalum ni Treñas.

Pero nagalaum gihapon si Treñas nga maupod sa iya si Mayor Joe Espinosa.Gin-athag sang kongresista nga wala pa siya nakahimo sang desisyon kon sin-o sa tatlo ang iya piliun.

Nakahanda naman si Baronda nga magpa-iway kon magbalikay ang relasyon nanday Treñas kag Espinosa kag magpasugot ang alkalde nga magpadalagan nga Congressman sang iya bilas. (JoMaque)