ArchivesLokal

Duha ka kandidato sa pagkapunong barangay sa Buyo, Sta. Barbara, nagdraw lots matapos nagpatas sa bag-o lang natapos nga barangay elections; incumbent punong barangay, nagabutan nga winner

Sta. Barbara, Iloilo–Nag-draw lots ang duha ka kandidato sa pagka-punong barangay sa Buyo, Sta. Barbara matapos nagpatas sa bag-o lang natapos nga Barangay kag Sangguniang Kabataan elections.

Suno kay incumbent Punong Barangay Ninfa Superficial, wala gid siya naglaum nga ma-tie sila sang pakaisa sang iya bana nga si former Kagawad Fortunato Lorque.

Gin-athag ni Superficial nga wala sila sang away ni Lorque bisan nagdesisyon ang ulihi nga magkontra sa iya. Sa pagkamatuod, siya ang nag-engganyo kay Lorque nga nga magpadalagan.

Si Superficial ang nagdaug sa draw lots nga ginpangunahan sang Municipal Election Officer matapos sini naka-tie sa boto nga 210 si Lorque. Magluwas kay Lorque, nagpadalagan man nga kapitan ang hinablos sang bana ni Superficial nga si Celso Sonalan.

Suno naman kay anay Kagawad Lorque, wala siya sang kalain sang buot kay Superficial kag suportado niya ang liderato sang asawa sang iya pakaisa.

Ginrason ni Lorque nga indi niya pag-ibaylo ang ila maayo nga relasyon sa pulitika. (AGB)

Leave a Reply