Tatlo sa pito ka distrito sa syudad, nakapasa na sang kumpleto nga listahan sang mga nagdaug sa barangay kag sk elections

Iloilo City–Tatlo pa lang ka distrito sa syudad ang nakasumiter sang kumpleto nga certificate of canvass and proclamation sang mga nagdaug sa Barangay kag Sangguniang Kabataan elections sa opisina sang Commission on Elections.

Suno kay City Comelec Election Assistant 2 Dave Billones, kumpleto na ang certificate of canvass and proclamation sang mga nagdaug sa Arevalo, Lapuz kag Jaro.

Ginalauman nga mapaguwa sang City Comelec ang official list sang mga nagdaug sa Biernes. (AGB)