Affidavit sang testigo sa alleged vote buying sa Barotac Viejo, nakalab-ut na sa municipal election officer

Barotac Viejo, Iloilo— Duha ka affidavit sang testigo sa ginpahayag vote buying sa Barangay San Lucas, Barotac Viejo ang nakalab-ot sa municipal election office pagkatapos sang Barangay kag Sangguniang Kabataan elections.

Suno kay Barotac Viejo Election Officer Roy Piamonte, si Juan Bañaria ang nagsumiter sa ila sang affidavit.

Nagapati si Piamonte nga may nagakatabu gid man nga vote buying sa pila ka barangay sa banwa apang indi madata.

Mas maayo suno sa iya nga mag-execute sang affidavit ang mga nagareklamo agud ma-imbestigaran sang Comelec.

Ginrefer na ni Piamonte sa provincial Comelec office ang reklamo para desisyunan. (AGB)