IPPO Director Tayaba: ‘Padayon nga nagakampanya kontra sa illegal nga druga ang police’

IPPO Headquarters, Sta. Barbara, Iloilo–Wala naga-untat ang police sa kampanya kontra illegal nga druga sa probinsya.

Reaksyon ini ni Iloilo Police Provincial Office (IPPO) Director PSSUPT Marlon Tayaba sa nabaton nga feedback nga malaka subong ang accomplishments nila batuk sa illegal drugs.

Suno kay Tayaba, wala nagapabaya ang mga police stations sa kabanwahanan bisan nasapawan sang mga dalagku nga hitabo pareho sang bag-o lang natapos nga eleksyon.

Wala sang dapat kabalak-an ang publiko suno kay Tayaba bangud bisan hipos apang padayon nga nagatrabahao ang mga pulis nga malimpyuhan sa illegal nga druga ang probinsya. (AGB)