Negosyante, ginkawatan na ginmartilyo pa sang ginpahayag iya mga anay empleyado
San Miguel, Iloilo – Ginkawatan na, ginlampusan pa sang martilyo ang 54-anyos nga negosyante sa Brgy. 1 Poblacion, San Miguel kagab-i.
Suno kay Senior Inspector Francis Albert Fortunado, hepe sang San Miguel Police Station, gindala sa Western Visayas Medical Certer ang biktima nga si Nicolas Aluba matapos ginlampusan sang martilyo sa ulo kag wala nga abaga.
Gintudlo ni Aluba ang iya anay tatlo ka mga tinawo nga sanday Jemer Calambro, Hernie Ambani kag certain Rey nga nag-atake kag nagpangawat sa iya.
Nagsurrender sa pulis si Ambani kag ginpanginwala ang akusasyon batuk sa iya.
Php 120,000 ang gintaban sang mga suspetsado suno kay Fortunado. (JoMaque)