Panday, ginlabu patay sang senior citizen
Passi City — Nasapwan nga patay ang 48-anyos nga panday sa higad sang karsada sa Barangay Dalicanan kahapon sang aga.
Suno kay PO2 Manuel De Guia, imbestigador sa Passi City Police Station, patay na sang nasapwan ang biktima nga si Jocil Aguilar, pumuluyo sang amo nga lugar ni Cyril Tabiling kaina sang aga.
May mga pilas sa ulo si Aguilar kag nabitas pa ang iya tuo nga dulunggan suno kay De Guia.
Sa imbestigasyon sang pulis, nadiskubrehan nga nagsuay kag nagsumbaganay ang biktima kag suspetsado nga si Bonifacio Espinosa, 63-anyos, pumuluyo man sang amo nga barangay kagab-i may kaangtanan sa ila trabaho sang una sa syudad.
Narecover ang shorts kag espading nga may tinulo sang dugo sa balay sang suspetsado.
Nagsurrender sa pulis si Espinosa kag gin-ako nga siya ang naglabu-patay sa biktima.
Ginpabutyag sang suspetsado suno sa pulis nga na-impito lang siya rason ginlabu-patay si Aguilar. (JoMaque)