1 PATAY, 2 PILASON SA PAGKARUMPAG SANG COAL MINE SA SEMIRARA
Antique–Isa ang patay, duha ang napilasan sa pag-collapse sang Semirara Mining and Power Corporation (SMPC) Panian open pit mine sa Semirara, Antique.
Naga-roving si Lpath Felipe, 22 anyos, upod sa duha pa ka foremen pasado las 7 sang gab-i sang Dominggo sang narumpag ang Panian pit.
Naluwas ang duha ka kaupdanan ni Felipe kag gindala sa Semirara Hospital agud mapabulong matapos nakaagum sang kapilasan.
Nagapadayon pa ang rehabilitasyon sa Panian pit agud mabalik ang orihinal sini nga landscape.
Una na ginhingyo ni Governor Rhodora J. Cadiao ang pag-shut down sa operation sang Panian pit bangud sang madalum na nga mining activities kag “exhaustion” sang coal resources.
Sang Pebrero 2013, nag-collapse man ang pit nga nagbilin sang lima ka workers nga patay.
Hulyo 2015 liwat nga nagluntad ang landslide sa area sa diin napatay ang 9 ka mga workers. (JoMaque)