PSTMO, nagsugod na panghawan sa palibot sang Iloilo Terminal Market

Iloilo City–Ginsuguran sang Public Safety and Transportation Management Office ang paghawan sa palibot sang Iloilo Terminal Market subong nga adlaw.

Suno kay PSTMO Head Jeck Conlu, isa ka bulan ang ila clearing operation nga kabahin sang experimentation agud ma-organisar ang palibot sang merkado. Tuyo sang operasyon nga ma-define ang parking area kag sidewalk kag kon diin iplastar ang mga sidewalk vendors.

Nagalaum si Conlu nga mapatawhay ang sitwasyon sa palibot sang terminal market pagkatapos sang clearing operation. (AGB)