87 anyos nga babaye nga nasapwan patay sa katubuhan sa Estancia, ginapatihan nga na-heatstroke bangud sang sobra nga init

Estancia, Iloilo–Nasapwan nga patay ang 87 anyos nga babaye sa katubuhan sa Estancia.

Mayo 22 sang naghalin sa ila balay si Estelita Francisco sang Barangay Tanza sa amo nga banwa agud magpangahoy apang wala nakapauli gani ginpangita sang iya pamilya. Kahapon sang udto nakit-an ang bangkay ni Francisco nga may mga bagras sa lawas.

Suno kay Helen Caveroy nga isa sa mga bata ni Francisco, wala sila nagapati nga may foul play sa kamatayon sang ila iloy.

Posible naman suno kay PO3 PJ Abunda sang Estancia Police Station nga na-heatstroke ang tigulang bangud sang sobra nga init. (AGB)