Malapit tunga sa milyon ka pesos nga cash, nadula sa pag-ransack sang ISAT-U sa Dumangas
Dumangas, Iloilo – Nagalab-ut sa P470,000 nga cash ang nadula sang gin-ransack ang cashier’s office sang Iloilo Sciene and Technology University – Dumangas sa Barangay PD Monfort South kagab-i.
Nadiskubrihan sang administrative assistant 1 nga guba na ang padlock sa cashier’s office kaina sang aga.
Suno sa Dumangas police, may mga persons of interest na sila nga ginasundan base sa kuha sang CCTV camera sang eskwelahan.
May persons of interest na nga ginasundan ang police sa nag-ransak sa administration building.
Suno kay SPO1 Kim John Banzon sang Dumangas Police Station, sa nakuha nila nga kopya sang CCTVÂ footage halin sa eskwelahan, gina-imbestigaran nila ang identity sang duha ka nagsulod pasado alas-11 sa gab-i sang Mayo 22.
May guwardya ang eskwelahan suno kay Banzon kag posible ginhulat sang mga suspek ang pag-roving sini antes nagsulod sa building. (JoMaque)