City Councilor Plaridel Nava Gin-Akusaran Si City Lone District Congressman Jerry Treñas Nga Nagpasilabot Sa SK Federation Election Sa Syudad

Iloilo City — Gin-akusaran ni councilor Plaridel Nava si city lone district congressman Jerry Treñas nga nagpasilabot sa Sangguniang Kabataan Federation election sa syudad nga ginhiwat subong nga adlaw.

Sa privilege speech ni Nava sa session sang city council kaina sang aga, ginpabati sang konsehal ang audio clip angut sa ginpahayag pagpangampanya ni Treñas sa ginasuportahan niya para mangin SK federation president.

Ginpahayagag gintipon ni Treñas ang mga SK officials sa syudad sa isa ka panyapon antes ang pinili-ay subong nga adlaw kag didto gin-endorso niya ang kandidato.

May ginpakita man nga text messages si Nava natuhoy sa ginpahayag pagpa-alinton sa tanan nga mga kapitan sa Jaro nga indi magtambong sa meeting sang Domingo sa pag-abot ni Special Assistant to the President Bong Go sa Iloilo.

Dugang diri, ginpahayag ni Nava nga nagtext man si Mr. Boyet Rico, identified nga tinawo sang kongresista sa tanan nila nga mga coordinators para pahibaluon ang mga punong barangay kag SK official sa ila barangay nga indi magtambong sa anuman nga imbitasyon sang anuman nga grupo sang domingo.

Una na ginpahayag ni city Department of the Interior and Local Government officer Atty. Ferdinand Panes nga mahimo pasakaan sang kaso ang sin-o man nga elective kag appointive officials nga magapasilabot sa SK federation election.

(att)