Mga police stations nga may nakit-an nga kapaltahan sa spot inspection sang Napolcom, pangayuan paathag sang komisyon

Iloilo City — Pangayuan sang paathag sang National Police Commission 6 ang mga police stations nga natukiban may kapaltahan angut sa seguridad kasunod sang ginconduct nga regular kag spot inspections sa mga police stations.

Suno kay Napolcom 6 Regional Director Joseph Celis, indi pwede sa organisasyon ang mga tamad. Dugang niya, dapat maayo man ang performance sang mga personnel sa ila trabaho sa tanan nga ti-on kag indi lang kun mahibaluan nga may i-conduct nga inspection.

Una na ginreport nga wala sang tawo ang Ajuy Police Station sang ginconduct ang inspection suno kay Celis.  Dugang niya, wala man sang desk officer kag security detail kag 7 ka on-duty personnel halin las 8 sa gab-i tubtob las 8 sa aga ang nasambit nga police station.

Wala man sang desk officer kag security detail sa Barotac Viejo Police Police Station bisan may yara sang personnel samtang naka-tsinelas lang ang naka-duty nga pulis sa Concepcion Police Station. (JoMaque)